Marg'ilon shahar hokimligi, oila va xotin-qizlar bo'limi, shahar maktabgacha va maktab bo'limi, ma'naviyat va ma'rifat shahar bo'limi hamkorligida "Dolzarb 90 kunlik" doirasida shahardagi 12-umumta'lim maktabida “Davraga kel dugonajon” ko‘rik tanlovi o'tkazildi. Qizlarni jamiyatda o‘z o‘rnini topishi, kiyinish odobi va muomala madaniyati, umuminsoniy va milliy qadriyatlarni ulug‘lash, milliy urf-odat va an’analarni targ‘ib qilish, erta turmush, erta tug‘ruq, qarindoshlar o‘rtasidagi nikohlar kabi salbiy illatlarning olini olish, qizlarning ta’lim olishi uchun yaratilayotgan imtiyozlar, imkoniyatlar va shart-sharoitlarni targ‘ibot qilish, tadbirkorlik faoliyatini yo‘lga qo‘yish uchun yaratilayotgan imkoniyatlardan xabardor qilish, oilaviy qadriyatlarni mustahkamlash, qizlarni oilaviy hayotga tayyorlash, ibratli oilalarning hayotiy tajribalarini ommalashtirish maqsadida o‘tkazilgan tanlovda qizlar 4 ta shart bo’yicha o’zaro bellashdilar. Tanlov yakunida o’z bilim va ijodiy mahoratini yuksak darajada ko’rsata olgan 4 nafar iqtidorli qizlar 1-, 2-, hamda 3-o’rinlar bilan, shuningdek qolgan ishtirokchilar nizomda ko’rsatilgan nominatsiyalar bo’yicha munosib taqdirlandilar.