Marg‘ilon shahar “Navro‘z” mahallasi hududida joylashgan Yo‘ldosh shaharchasining 7 gektar bo‘sh yer maydonida mebelsozlik, eshik, rom va duradgorlik mahsulotlarini ishlab chiqarish bo‘yicha yangi sanoat zonasi tashkil etilmoqda. Bugun Marg‘ilon shahar hokimligida ishbilarmonlar va tadbirkorlar bilan o‘tkazilgan ochiq muloqotda ham ana shu yangilik xususida so‘z bordi. Uchrashuvda shahar hokimi Sh.Nisbatxonov ushbu sanoat zonasida tadbirkorlar uchun yaratilayotgan qulayliklar haqida to‘xtalar ekan,   birinchi navbatda yer maydonlari hamyonbop narxda ekanligi, qolaversa,  elektr hamda suv tarmoqlari to‘liq tortilganligini ta’kidladi. Uchrashuv davomida tadbirkorlarga yangi sanoat zonasidan yer maydonlarini xarid qilish jarayonlarini auksion savdosi orqali amalga oshirishlari mumkinligi bildirildi.