Bugun Marg‘ilon shahar hokimi Sh.Nisbatxonov hamda O‘zbekiston Respublikasi Prezidenti Administratsiyasi mas’ul xodimi ishtirokida Raqamli texnologiyalar markazida tadbirkorlar bilan ochiq muloqot tashkil etildi. Muloqot davomida bank kreditlari, tadbirkorlikni boshlash uchun joy olish, kadastr va boshqa masalalarda tadbirkorlarning soha rivoji bo‘yicha taklif va fikr-mulohazalari tinglandi. Bu murojaatlarning aksariyati joyida hal etilgan bo‘lsa, yechimi ma’lum vaqt talab etadigan masalalar bo‘yicha soha mutasaddilarga aniq vazifalar yuklatildi va ijrosi nazoratga olindi.