Fuqarolar bilan yuzma-yuz muloqot qilish orqali bugungi kunda ularni qiynab kelayotgan muammo va turli masalalarni mutasaddi rahbarlar ishtirokida qonun doirasida ijobiy hal qilish maqsadida shahar hokimi Sh.Nisbatxonov tomonidan hududlarda "Sayyor qabul"lar o‘tkazilib kelinmoqda. Jumladan, bugun shahardagi Zuxro mahallasida o‘tkazilgan Sayyor qabulda jami 15 nafar fuqarolarning murojaatlari ko‘rib chiqildi. Qabul davomida uy-joy, kadastr, moddiy va tibbiy yordam, tadbirkorlik va boshqa turli masalalar bo‘yicha murojaatlar ro‘yxatga olinib, 4 ta murojaat joyida ijobiy hal etildi, 3 ta murojaat egasiga huquqiy tushuntirish berildi. Qolgan murojaatlarni o‘z muddatlarida ijrosini ta'minlash bo‘yicha tegishli tashkilot va muassasa rahbarlariga topshiriqlar berildi va ijrosi nazoratga olindi.