Sessiyada Xalq deputatlari shahar Kengashi deputatlari, kun tartibidagi masalalarga daxldor shahardagi tashkilot va idoralar rahbarlari ishtirok etdi. Sessiya kun tartibida quyidagi masalalar ko‘rib chiqildi: 1. O‘zbekiston Respublikasi Prezidentining “2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1 sonli qarori ijrosini ta’minlash yuzasidan shaharda amalga oshirilgan ishlar to‘g‘risida shahar prokurori A.Boboxo'jayevning hisoboti; 2. Marg‘ilon shahar Ichki ishlar bo‘limi boshlig‘i F.Bektoshevning huquqbuzarliklarni oldini olish va ularning profilaktikasi holati, shuningdek jamoat xavfsizligi haqidagi hisoboti to‘g‘risida; 3. Marg‘ilon shahar mahalliy byudjetining 2025-yil uchinchi chorak ijrosi to‘g‘risida; 4. 2025-yil 3-chorak yakuni bo‘yicha jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar hisoboti to‘g‘risida; 5. Shahar tibbiyot birlashmasi rahbari N.Rahimovning hududda sog‘liqni saqlashni rivojlantirishga oid davlat dasturlarining bajarilishi, kasalliklar profilaktikasining holati, sog‘lom-turmush tarzini va to‘g‘ri ovqatlanishni shakllantirish, shuningdek sog‘liqni saqlashning asosiy ko‘rsatkichlari to‘g‘risidagi hisoboti; 6. Shaharda aholining ekologik madaniyatini yuksaltirish borasida amalga oshirilayotgan chora-tadbirlar natijasi, shuningdek, hududlarda atrof-muhitning holati yuzasidan shahar Ekologiya bo‘limi boshlig‘i rahbarining hisoboti to‘g‘risida; 7. Marg‘ilon shahridagi aholining ijtimoiy ehtiyojmand toifalarini 2026 yilda ishga joylashtirish uchun ish o‘rinlarining eng kam sonini belgilash va zaxiraga qo‘yish to‘g‘risida; 8. Boshqa masalalar. Sessiya davomida kun tartibidagi masalalar yuzasidan hisobot va axborotlar tinglanib, deputatlar o‘z fikr va mulohazalarini bildirdilar. Sessiya yakunida ko‘rib chiqilgan masalalar yuzasidan tegishli qarorlar qabul qilindi.