Marg‘ilonlik yosh hunarmand Muhammadmuso Muhammadaminov 13 yoshida o‘zi mustaqil ravishda tandir yasay olgan 6-avlod hunarmand hisoblanadi. Yosh hunarmand ilk somsa tandirini tayyorlashi uchun 3 kun vaqti ketganini yaxshi eslaydi. Quyosh tig‘ida loy tepkilashning mashaqqatini bolaligidan totgan Muhammadmuso tandirning uzoq muddat xizmat qilishi uning loyida ekanligini ta’kidlaydi. Loy tayyor xolga kelishi uchun hunarmand uni besh kun davomida tepkilab turmog‘i kerak. Hunarmand yasagan tandirlar bugunga kunga qadar Koreya va Amerika davlatlarigacha ham yetib borgan.