📢Bahor nafasi ufurib turgan bir paytda, Quvasoy shahridagi Qalacha mahalla fuqarolar yig‘inida “Do‘stlik va hamjihatlikni ulug‘lagan yurt” shiori ostida ma’naviy-ma’rifiy bayram tantanalari ko‘tarinki ruhda nishonlandi.

⏺️Ushbu bayram el-yurtni birlashtiruvchi, mehr-oqibat va birdamlikni tarannum etuvchi haqiqiy tantanaga aylandi.

🔵Bayram tadbirida Respublika ishchi guruhi, viloyat va shahar hokimligi, mahalla faollari, nuroniylar va jamoatchilik vakillari ishtirok etdilar

🌷Navro‘z shukuhi davom etayotgan mazkur tadbirda milliy udumlarimizga ko‘ra chalpak, halim va sumalak tayyorlandi. Doshqozonda osh damlanib, bemor va ehtiyojmand oilalarning iftorlik dasturxoniga tortiq qilindi.

🔴Yoshlarimiz tomonidan milliy o‘yinlarimizdan arqon tortish, varrak uchirish, sport o‘yinlaridan shaxmat va shashka bo‘yicha musobaqalar tashkil etildi. Yoshlarning shijoati, oqsoqollarning duolari, ishtirokchilarning shodligi ushbu musobaqalarga yanada fayz bag‘ishladi.

📚Shuningdek, kitobxonlik tanlovi, milliy hunarmandlik hamda rasmlar ko‘rgazmasi tashkil etilib, tadbirga tashrif buyurgan ishtirokchilarga namoyish etildi. Har bir tasvirda yoshlarning orzu-umidlari, Vatanimizga bo‘lgan mehri mujassam edi.

🌴Keksa nuroniylar va yoshlar tomonidan “Do‘stlik bog‘i” shiori ostida ko‘chat ekish tadbirlari ham tashkil etildi.

🎤Shahar madaniyat bo‘limi va yoshlar tomonidan tayyorlangan konsert dasturlari bayramga o‘zgacha fayz bag‘ishladi.

✅Bu kabi tadbirlar mahalla aholisi o‘rtasida milliy qadriyatlarni keng targ‘ib qilishga, yosh avlodni ajdodlar merosiga hurmat ruhida tarbiyalashga xizmat qilib, hamjihatlik va milliy an’analarimizni yanada mustahkamlashga xizmat qilmoqda.

📌Bu kabi tadbirlar joylarda davom etmoqda…