Marg‘ilon shahar FVB xodimlari tashabbusi bilan shahar hokimligi, mahalla uyushmasi, hudud gaz Marg‘ilon bo‘limi, hududiy elektr tarmoqlari korxonasi hamda IIB xodimlari ishtirokida shahrimiz bo‘ylab qo‘shma profilaktika tadbirlari tashkil etildi. Unda aholi yashash xonadonlari  va ko‘p qavatli uylar, savdo-ishlab chiqarish korxonalarida sodir bo‘lishi mumkin bo‘lgan favqulodda vaziyatlar, xususan, yong‘inlar, is gazidan zaharlanish va gaz-havo aralashmasining chaqnashi, botulizm bilan bog‘liq baxtsiz hodisalarni oldini olish asosiy maqsad qilib olingan. Profilaktik tadbirlarda xonadonlar ko‘zdan kechirilib, fuqarolarga isitish pechlari hamda elektr jihozlaridan xavfsiz foydalanish, xavfsizlik qoidalariga qat’iy rioya qilgan holda o‘rnatish yuzasidan tushuntirishlar berib o‘tilmoqda.