1. Bosh sahifa
2. Yangiliklar

СИЗ ҲАМИША ЭЪЗОЗ ВА ЭЪТИБОРМИЗДАСИЗ, АЗИЗ АЁЛЛАР!

×

8 март – Халқаро хотин-қизлар байрамининг айнан баҳор фаслида нишонланиши замирида ҳам ўзига хос маъно ва ҳикмат мужассам.Зотан, баҳор ва аёл сўзлари бир-бирига ҳамоҳанг ва уйғундир.
Дарҳақиқат, севги ва садоқат, меҳр-муҳаббат, назокат ва латофат каби энг нозик туйғуларни аёлларсиз асло тасаввур эта олмаймиз. Зеро, азиз аёлларимиз ҳамиша кўз ўнгимизда меҳрибон она, фидойи етакчи, садоқатли ёр тимсолида гавдаланади.
Бугун шаҳримиздаги муҳташам “Аср” тўйхонасида айём муносабати билан бўлиб ўтган тадбирда ҳам муҳтарама онахонларимиз, азиз опа-сингилларимиз яна бир карра эъзозланди, эътироф этилди.
Тантанани шаҳар ҳокими Шукуруллохон Нисбатхонов самимий табрик сўзи билан очиб бугунги кунда мамлакатимизда, хусусан шаҳримизда ҳам хотин-қизларнинг иқтисодий-cиёсий ва ижтимоий фаоллигини ошириш, уларнинг турли соҳа ва тармоқларда ўз қобилият ва имкониятларини рўёбга чиқариши учун шарт-шароит яратиш борасида амалга оширилаётган кенг кўламли ишлар хусусида тўхталиб ўтди. 
У ўз табрик сўзи давомида Зулфия номидаги Давлат мукофотига бу йил Марғилон шаҳридан икки нафар билимли ва иқтидорли қизларимиз  -  Зиёдахон Абдусатторова ҳамда Муҳайёхон Йўлдошевалар сазовор бўлганлигини мамнуният ила таъкидлаб ўтди. 
Шундан сўнг давомий қарсаклар садоси остида азиз опа-сингилларимизга байрам совғалари улашилди. Хушовоз хонандалар санъат усталари, хонанда ва ёш ижрочилар иштирокидаги бадиий-мусиқий дастур барчага байрам шукуҳини улашди.
Марғилон шаҳар ҳокимлиги Ахборот хизмати