1. Bosh sahifa
2. Yangiliklar

МЕҲНАТ ЯРМАРКАСИДА 48 НАФАР ФУҚАРОЛАР ИШ БИЛАН ТАЪМИНЛАНДИ

×

Бутун мамлакатимизда бўлгани каби Марғилон шаҳрида ҳам иш билан банд бўлмаган аҳоли вакилларининг бандлигини таъминлаш борасида тизимли ишлар амалга оширилмоқда. 
Хусусан бугун шаҳар ҳокимлиги ташаббуси билан Аҳоли бандлигига кўмаклашиш маркази ва мутасадди корхона ва ташкилотлар ҳамкорлигида шаҳардаги ишсиз фуқароларни, айниқса аёллар бандлигини таъминлаш мақсадида "Наврўз" кичик саноат зонасида бўш иш ўринлари “Меҳнат ярмаркаси” ташкил этилди.
Унда шаҳардаги 62 та корхона, ташкилот ва муассасалар ўзларидаги мавжуд 417 та бўш иш ўринлари билан иштирок этдилар.
Ярмарка давомида ишсиз фуқаролар "Наврўз" кичик саноат зонасида жойлашган ишлаб чиқариш корхоналаридаги мавжуд бўш иш ўринлари, ишчилар учун яратилган шароитларни кўздан кечирдилар.
Ярмарка якунида 48 нафар ишсиз аёллар ва ёшлар рўйхатга олиниб,  уларга шаҳардаги мавжуд бўш иш ўринларига ишга жойлаштириш учун йўлланмалар берилди.