Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Туркия ташқи ишлар вазири Мевлют Чавушоғлу Марғилонда
2021-07-14 17:53:26 291
Шу йилнинг 15-16 июль кунлари Тошкентда бўлиб ўтадиган «Марказий ва Жанубий Осиё: минтақавий ўзаро боғлиқлик. Таҳдид ва имкониятлар» мавзусидаги халқаро конференцияда иштирок этиш учун мамлакатимизга келган Туркия ташқи ишлар вазири Мевлют Чавушоғлу Марғилон шаҳридаги Ҳунармандлар марказига ташриф буюрди. Ўзбекистон Маданият вазири Озодбек Назарбеков ҳамроҳлигидаги юқори мартабали меҳмонни Марғилон шаҳар ҳокими Адҳам Зиявитдинов ва бошқа расмийлар тантанали кутиб олдилар.
Хусусий тадбиркор Иброҳимжон Султонов ташаббуси билан давлат-хусусий шериклик асосида ташкил этилган марказда тайёрланаётган маҳсулотларнинг 95 фоизи ҳозирги кунда Туркия давлатига экспорт қилинмоқда. 400 нафар уста-ҳунарманд томонидан тайёрланаётган 200 дан ортиқ турдаги атлас ва адрас тўқиш, гиламчилик, маиший хизмат, тикувчилик, ҳунармандчилик маҳсулотлари меҳмонларни ҳайратга солди.
Айниқса, шаҳардаги 8-сонли Болалар мусиқа ва санъат мактабининг истеъдодли ўқувчилари ижросида янграган дилтортар куй-қўшиқлар ҳамда дилрабо рақслар гулдастаси тадбир иштирокчиларига кўтаринки кайфият улашди.
Ташриф режасига кўра кун давомида Туркия ташқи ишлар вазири Олтиариқ туманидаги узумчилик боғларини бориб кўради, Қўқондаги Худоёрхон саройи ҳамда Жоме мажмуаси билан танишади.
