1. Bosh sahifa
2. Yangiliklar

ВАТАН ФИДОЙИ ФАРЗАНДЛАРИНИ УНУТМАЙДИ!

×

Ватанимиз озодлиги йўлида азиз жонини фидо қилган йигитлар орасида жасур ўғлон Бобуржон Ғаниев ҳам бор. У ёшлигида мудофаага кўмаклашувчи «Ватанпарвар» ташкилотида тарбия олди. Спорт билан шуғулланди.
Бобуржон болалигидан ҳарбий бўлишни хоҳларди. Отаси Абдуҳамид ака капитан унвонида Куролли Кучларимиз сафида хизмат қилган. Онаси ўқитувчи. Ўзбекистонда хизмат кўрсатган ёшлар мураббийси Мунаввархон Ғаниева Марғилон шаҳрида устоз-педагог сифатида эъзоз топган.
Бугун ушбу мактабга 14-январь – “Ватан ҳимоячилари куни” муносабати билан Шарқий ҳарбий округи ҳарбий хизматчилари, давлат ва жамоат ташкилотлари вакиллари ташриф буюриб, асл эл ўғлонининг мардонавор умр йўли, Ватан ҳимояси олдидаги қаҳрамонликларини яна бир хотирлаб ўтдилар.
Меҳмонлар томонидан Б.Ғаниев бюсти остига юксак ҳурмат ва эҳтиром сифатида гуллар қўйилди. 
Зеро, халқимиз осойишталиги, юртимиз тинчлиги йўлида азиз жонини қурбон қилган жасур ўғлонлар хотираси ҳеч қачон унутилмайди.